Татарстанда яңа министр

ТР Президенты Рөстәм Миңнеханов Указы нигезендә, республиканың икътисад министры итеп Мидхәт Шаһиәхмәтов  куелган. Моңа кадәр әлеге вазыйфаны биләгән Фәрит Габделганиев  исә Президент ярдәмчесе итеп билгеләнгән. 

Яңа министрны Президент иртәнге “планерка” вакытында тәкъдим иткән, дип яза “Татар-информ”. 

Мәгълүмат өчен:

Мидхәт Шаһиәхмәтов 1998-1999 — Татарстан Республикасы буенча дәүләт салым инспекциясе башлыгы урынбасары, җитәкчесе урынбасары.

1999-2005 — РФ Салым һәм җыемнар министрлыгының ТР буенча идарәсе җитәкчесе урынбасары.

2005-2007 елларда - Федераль салым хезмәтенең ТР буенча идарәсе җитәкчесе урынбасары.

2007-2009 - Федераль салым хезмәтенең ТР буенча идарәсе җитәкчесе.

2009-2010 - Татарстан Республикасы Премьер–министры ярдәмчесе.

2010-2010 — ТР Президенты ярдәмчесе.

2010-2014 — ТР икътисад министры.

2014-2017- Идел-Нократ баш идарәсе башлыгы урынбасары — Татарстан Республикасы буенча Милли банк бүлеге идарәчесе.

2017-2020 — Татарстан Республикасы Үзәк сайлау комиссиясе рәисе.