Татарстанга туристлык максатыннан килүчеләрнең саны арткан
Узган елны республикага 3,3 млн турист килгән. Бу 2019 елгы күрсәткечнең 92 процентын тәшкил итә. Чит илгә чыгу буенча чикләүләр кертелгәч һәм дәүләттән ярдәм чаралары күрелгәч, туризм тармагы тиз темпта үсә башлаган. Коронавирус инфекциясе таралуга карамастан, тармак үсешенең төп күрсәткечләре 2019 елгы күрсәткечләргә җиткән.
Узган елны республикага 3,3 млн турист килгән. Бу 2019 елгы күрсәткечнең 92 процентын тәшкил итә. Чит илгә чыгу буенча чикләүләр кертелгәч һәм дәүләттән ярдәм чаралары күрелгәч, туризм тармагы тиз темпта үсә башлаган. Коронавирус инфекциясе таралуга карамастан, тармак үсешенең төп күрсәткечләре 2019 елгы күрсәткечләргә җиткән.
- 2021 елда да без пандемия шартларында эшләдек. Ел башында хәлләр үзгәрер дип көттек, әмма алай булмады. 2020 елда республикага килүче туристлар саны 47 процентка кимеде. Шуңа да узган елны төп максатыбыз – туристлык агымын пандемиягә кадәрге чор дәрәҗәсенә җиткерү иде. Чит илгә чыгу буенча чикләүләр кертелгәч һәм дәүләттән ярдәм чаралары күрелгәч, туризм тармагы тиз темпта үсә башлады. Коронавирус инфекциясе таралуга карамастан, тармак үсешенең төп күрсәткечләре 2019 елгы күрсәткечләргә җитте. Туристлык агымының структурасы үзгәрүен дә күрәбез. Ягъни Татарстанга туристлык максатыннан килүчеләрнең саны артты, - дип сөйләде Татарстанның Туризм комитеты җитәкчесе Сергей Иванов комитетның узган елгы эшчәнлегенә багышланган коллегия утырышында.
Казан Кремле, Болгар, Чистай туристлык объектларына килүчеләрнең саны да элеккеге дәрәҗәдә булган. Алабуга, Тәтеш һәм Зөя утрау-шәһәрчегенә килүчеләрнең саны 2019 ел белән чагыштырганда хәтта артып та киткән.
Ел дәвамында комитет республиканың туристлык мөмкинлекләре белән таныштыру һәм аны популярлаштыру максатыннан актив эшләгән. Халыкара күргәзмәләрдә катнашканнар, ил төбәкләре һәм чит илләрнең туристлык операторларын республика белән таныштырганнар. Интернетта һәм федераль телеканалларда Татарстан турында тапшырулар чыккан.
Комментарийлар