#Язмалар 09 апреля 2018, 12:59

Татарстанның «елак кызы»н «Чай вдвоем» төркеме солисты үзенең клибында төшергә чакырган (ВИДЕО)

09 апреля 2018, 12:59

Түбән Камада яшәүче 10 яшьлек Алинә Шәехова фан-очрашуга язылучыларын чакырып, алар вәгъдә итеп тә килмәгәч, әлеге оешып җитмәгән очрашудан кайтканнан соң, елый-елый төшкән мөрәҗәгатен видоега төшереп, шуны инстаграмга куйгач, танылып киткән иде.

Скопировать ссылку

Татарстанның «елак кызы»н «Чай вдвоем» төркеме солисты үзенең клибында төшергә чакырган (ВИДЕО)

Аны ул вакытта бик күп танылган блогерлар Илья Варламов, Николай Соболев, Эльдар Джарахов, Карина Каспарянц, Юлия Никольская, Екатерина Гамова да хуплап, юатканнар иде. Ул видеоны 8 миллионнан артык кеше караган иде.

Һәбер уңышсызлыкның ахырында уңыш та ятарга мөмкин дигән сүз Алинәгә бик тә туры килә. Аны «Чай вдвоем» төркеме җырчысы Денис Клявер үзенең «Давай спасем этот мир» җырына клипта төшергә чакырган.

Үзенең микроблогында Клявер:
– Сезгә шатланып, үземнең яңа «Давай спасем этот мир» клибының төп героен тәкдим итәм. Берәрегез таныдымы бу бәләкәчне? Әйдәгез, уйлагыз, күптән түгел әлеге нәни кыз «Хайп»ның дөнья белән идарә итмәгәнлеген исбатлап, үзенең ихласлыгы белән миллионлаган йөрәкләрне эретте, - дигән.

Нәкъ менә Алинә белән булган хәл аңа яжа клибының сюжет идеясен табарга ярдәм иткән.