16+

Торф чүлмәкләрнең нинди өстенлеге бар?

Күп кенә бакчачылар кәлшә утырту өчен торф чүлмәкләр куллана. Ни өчен дигәндә, бердән, алар табигый материалдан эшләнә, икенчедән, ул үзе үк органик ашлама булып тора.

Торф чүлмәкләрнең нинди өстенлеге бар?

Күп кенә бакчачылар кәлшә утырту өчен торф чүлмәкләр куллана. Ни өчен дигәндә, бердән, алар табигый материалдан эшләнә, икенчедән, ул үзе үк органик ашлама булып тора.

Уңай яклары тагын шунда: рассаданы күчереп утыртканда, тамыр системасына зыян килми, бәясе дә кыйммәт түгел һәм үзеңә кирәкле размердагысын сайлап алу мөмкинлеге дә бар. Бакчага ачык туфракка яки теплицага күчергәндә, рассаданы чүлмәге белән бергә утыртып куясың. Бу кайбер төр үсемлекләр өчен аеруча мөһим, чөнки алар күчереп утыртуны яратмый. Үсемлек мондый чүлмәктә үскәндә, торф аркылы кислород молекулалары үтеп керә һәм рассада ныклап үсеп тә китә. Торф чүлмәкләр яңгыр һәм су белән таркалып беткәч, күпмедер вакыт алар ашлама ролен дә үти. Әйткәнебезчә, торф чүлмәкләр төрле размерда була. 11х10 см лысы (0,5 л) кыяр, борыч, помидор, баклажаннар, фуксия, гербера, цикламен чәчәкләре өчен әйбәт. 8х8 см лысы (0,250 л) ташкабак, томат, кыяр, җиләк, цикламен, колеус, примула, гортензия өчен. 7х7 см лысын (0,200 л) карбыз, кавын, кәбестә,берьеллык чәчәкләр өчен, ә 5х5 см лысын (0,050 л) укроп, салат, кинза, петрушка, базилик, фенхель утырту өчен алыгыз. Чүлмәкнең сыйфатына килгәндә, аларны сатып алганда, калынлыгына игътибар итегез. Иң яхшысы – 1,5-2 мм.

*
Күнегүләр өчен кирәкле 4 әйбер

Спорт белән шөгыльләнәсе килеп тә, спортзалга барырга вакыты булмаучылар өчен иң яхшысы – өйдә яки фатирда җыйнак кына спорт почмагы булдыру. Аның өчен әллә нәрсә кирәкми дә, бары тик фантазияңне генә эшкә җигәсе дә шөгыльләнер өчен махсус спорт «корал»лары сатып аласы. Штанг, гантель һәм турниктан кала, спорт белән шөгыльләнүче кешегә кирәкле тагын дүрт төрле җайланма бар.
Медбол дигән сәер яңгырашлы сүзне ишеткәч, бүлмәдә күп урын били торган зур спорт җиһазы дип куркып калмагыз тагын. Ул – тышкы кыяфәте белән гап-гади резин туп. Эченә ком, пычкы чүбе, гель яки бүтән төрле әйбер тутырылган. Авырлыгы 1дән 20 килограммга кадәр. Аны, шөгыльләнгәндә, өстәмә «груз» буларак файдаланырга мөмкин. Кулларны алга сузып медполны идәнгә бәреп «уйнасаң», арка, иңбашындагы һәм корсак мускулларын ныгыта.
Фитбол. Әлеге спорт җиһазы турында ишетеп яки күреп белмәүче юктыр инде, шулай булса да, өй спорт залларында ул бик сирәк «кунак». Ә юкка. Өреп кабартылган туп – корсак мускулларын ныгыту, артык май катламыннан арыну өчен менә дигән нәрсә. Фитбол ярдәмендә аяк-куллар яки пресс өчен күнегүләр ясарга мөмкин.
Амортизатор. Эластик резинадан ясалган амортизатор (лента-эспандер) көч куеп эшли торган күнегүләр вакытында файдаланыла. Ул гадәти тормыштагы хәрәкәтләргә охшатып ясала торган күнегүләр өчен яхшы.
Герләр. Гер күтәрү иңбашындагы мускулларны ныгыта. Шулай ук аяк мускуллары өчен дә менә дигән нагрузка.

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading