Шәһри Казан

ТР Үзәк сайлау комиссиясе сайланган Президент итеп Миңнехановны теркәде

11-13 сентябрьдә сайлауда сәясәтче 83,4 процент тавыш җыйган.

Татарстан Үзәк сайлау комиссиясе сайланган республика Президенты итеп Рөстәм Миңнехановны теркәде. Карарны Татарстан Үзәк сайлау комиссиясенең 123нче утырышында бертавыштан хупладылар.

«Үзәк сайлау комиссиясе Рөстәм Нургалиевич Миңнехановны сайланган Татарстан Президенты итеп теркәү һәм сайлану турында таныклык бирү турында карар чыгара», — диде Татарстан Үзәк сайлау комиссиясе секретаре Надежда Борисова.

Реклама

Татарстан Президентының инаугурация чарасы 18 сентябрьгә планлаштырылган. Яңа президент срогы Рөстәм Миңнеханов карьерасында өченчесе булачак. 2020 елның 11-13 сентябрьдә сайлауларда аның өчен сайлаучыларның 83,4 проценты тавыш бирде.

Экспертлар киң җәмәгатьчелек хуплавын һәм көзге сайлауларда катнашучылар күп булачагын фаразлаган иде. Сайлау процессында хокук бозулар ачыкланмаган, Татарстан Үзәк сайлау комиссиясе сайлаучыларның барлык мөрәҗәгатьләрен тикшерде һәм аңлатма бирде. Участокларда коронавирустан саклану өчен битлек һәм ручка бирелде, температураны үлчәделәр.

http://tatar-inform.tatar

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: