Тәҗрибәле табиб-гинеколог Сөембикә Гәрәевадан КИҢӘШЛӘР

Организмда үзгәрешләр сиздеңме, тизрәк табибка барыгыз. Күпләр хәзер интернет белән дәвалана, алай үзеңә зыян китерергә мөмкин.

Хатын-кыз өчен вакытында кияүгә чыгу мөһим.

Кызлар өчен иң әйбәте 24-25 яшьтә бала табу. Яшь чакта бала үстерүнең бернәрсәсе юк. Төне буе йокламасаң да сиздерми.
 
25 яшьтән соң организмда үзгәрешләр башлана. Мускуллар сыгылмалыгын югалта.
 
Иреңне һәрчак хөрмәт итәргә кирәк. Хатын-кызга хәйләкәррәк булырга һәм һәрчакта да иреңне мактап торырга киңәш итәм. Безгә дә, пирог пешергәндә тәмле дисәләр, рәхәт булып китә. Ирләр дә мактаганны ярата. Җылы сүзегезне кызганмагыз.

Гади булырга кирәк. Кеше гади булган саен, аңа тартылалар.