#Язмалар 29 апреля 2021, 16:37 Уку өчен 2 минут

Тукай белән Урманче метрода “очрашты”

29 апреля 2021, 16:37

Уку өчен 2 минут

“Тукай мәйданы” метро станциясендә Габдулла Тукайның “Шүрәле” әкияте буенча ясалган акварельләр урын алды. Рәсемнәрнең авторы — Бакый Урманче.

Скопировать ссылку

“Тукайның тылсымлы урманы” дип аталган проект Татарстан Милли музее, Мәдәният министрлыгы һәм “Метроэлектротранс” оешмасы, Туган телләр һәм халыклар бердәмлеге елы кысаларында тәкъдим ителә.

Күргәзмәнең үзенчәлеге дә шунда: бу рәсемнәр әлеге көнгә кадәр тулысынча бер тапкыр да киң җәмәгатьчелеккә күрсәтелмәгән.

Тукайдан нибары 11 яшькә кечерәк Бакый Урманче яшүсмер вакытында Амур кунакханәсендә узган очрашуларда еш катнашкан. Рәссам анда бөек шагыйрьне тыңлау өчен йөргән. Ләкин Урманче Тукайга карата булган соклануын килеп әйтергә оялган һәм алар очрашмый калган.

Бүген татар халкының ике бөек улы башкалабыз үзәгендә “очрашты”. Тукайның “Шүрәле” поэмасындагы әкияти дөньяны гәүдәләндергән рәсемнәрне “Тукай мәйданы» метро станциясендә 1 сентябрьгә кадәр күреп булачак.

Динара Әхмәт

Кызыклы яңалыкларны күзәтеп бару өчен Вконтактега кушылыгыз.

#Габдулла Тукай, Баки Урманче