Шәһри Казан

Яман шеш авыруы белән көрәшүче Гүзәл Әхмәтшина: «Бездә халыкның бик ярдәмчел икәнлегенә ышандык»

Яман шеш авыруына каршы көрәшүче Гүзәл Әхмәтшинага ярдәм итү өчен 7 декабрьдә «Сәйдәш» мәдәният үзәгенә килүчеләр чын могҗизаның шаһиты булды. Биредә үткән «Без бергә!» хәйрия концерты вакытында тупланган 178 мең сум белән операция өчен кирәкле 2 млн 300 мең сум җыелып бетте! Акча җыюны рәсми рәвештә яптылар һәм Гүзәл концерттан соң ук Мәскәүгә билетлар сатып алды һәм аңа операция булды.

Гүзәл инде бер елдан артык өченче стадиядәге яман шешкә каршы көрәшә. Бер ел эчендә ул дүрт операция, алты курс химия терапиясе үткән, әмма бирешергә уйламый әле. Нык тора.

«Гүзәлгә хәлиткеч операция агымдагы елның башында Мәскәүдәге Европа медицина үзәгендә ясалды. Операция уңышлы булды. Гүзәлнең анализлары да яхшыра башлаган иде инде, әмма май аенда ул тагын реанимациягә эләкте. Дәваланулардан талчыккан организм чыдамаган. Гүзәлдә перитонит, корсак абцессы башланды. Хәзер аңа тагын бер операция ясап, шул перитониттан котылырга кирәк. Аннан соң сәламәт тормыш алып баруга өмет бик зур», – ди Гүзәлнең апасы Альмира Сираҗетдинова. Альмира озак вакыт табиблардан ярдәм эзләүләрен, инде ахыр чиктә кабат Мәскәүгә яман шештән операция ясаган табибка баруларын искә ала. Мәскәүнең Европа медицина үзәге – түләүле клиника. Шуңа күрә анда баруны алар соң чиккәчә сузалар. «Консультациядән соң табиб операция кирәген әйтте. Аның суммасын исәпләделәр. 2 миллион 300 мең сумнан артыграк счетны күргәч, бергәләшеп утырып еладык. Гел кешедән акча җыеп булмас бит дип борчылдык», – дип искә ала кызлар.

Реклама

Вакытны әрәм итәргә ярамаганлыгы аңлашыла. Шуннан соң интернет киңлекләрендә, социаль челтәрләрдә Гүзәлгә операция өчен акча җыю эше башлана. «Бездә халыкның бик ярдәмчел икәнлегенә ышандык. Кемгә генә, кая гына мөрәҗәгать итсәк тә, берсе дә кире бормады. Һәркайсы кулыннан килгәнчә ярдәм итәргә тырышты», – ди Гүзәл.

«Сәйдәш»тәге хәйрия концерты исә бик җылы атмосферада үтте. Фойеда ярминкә оештырылган иде. Анда тамашачылар Яңа елга дип открытка-магнитлар, сабын, бизәнү әйберләре алды, берсеннән-берсе тәмле торт-перәннекләр белән сыйланды. Шунда ук, Гүзәлгә ярдәм итү йөзеннән, хәйрия лотереясына билетлар сатыла иде. Концертка килүчеләр аларын да соңгы данәсенә кадәр сатып алып бетерде. Иганәчеләрдән килгән призлар шәп иде. Алар арасында театрга билетлар, матурлык салонына сертификатлар, 30 литр бензинга сертификат һәм башка шундый кызыктыра торган лотлар бар иде.

Концерт үзе бик эчтәлекле, оешкан төстә барды. Алып баручылар Рәдиф Әхмәдиев белән Газинур Фәйзуллин, һәр чыгышны бер җепкә бәйләп, тамашачыларны да, оештыручыларны да, артистларны да бер дулкынга кертеп җибәрә алды. Җырчыларга – Лилия Муллагалиева, Айгөл Бариева, Нурзадә, Ләйлә Дәүләтова, Гөлназ Батталова, Илзидә Госманова, ИлГәрәй, Зөлфирә Шәйдуллина, Венер Сәлимов, Фәрит Мифтахов, Булат Җиһаншин, Вадим Захаров, Алинә Сафиуллина, «Болгар кызлары», Илшат Вәлиев, Рәниф Вахитов, Әсхәт, Регина Тимербулатова, Энҗе Шәймурзина, Зөһрә Вәлиуллина, Шамил Галиев, «Сөмбел» бию театрына – барысына да зур рәхмәт. «Аеруча зур рәхмәтләребез Совет районы администрациясенә һәм «Сәйдәш» мәдәният үзәге җитәкчелегенә», – ди Гүзәлнең апасы.

Алсу Хәбибуллина

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 19 января 2018 в 14:32
    Балалар бакчасына түләү күпмегә арта?
    Быел 1 гыйнвардан балалар бакчасына түләү бәяләре артты. Былтыргы белән чагыштырганда (2017 елда түләүләр сигез процентка арткан иде) әллә ни күпкә түгел, дүрт процентка гына. Бу уртача 120 сум дигән сүз.
    35
    0
    0