Йокыдан айнырга ярдәм итүче ризыклар исемлеге билгеле булган

Белгечләр әйтүенчә, кайбер продуктлар тизрәк уянырга булыша икән. Кара чәй белән каһвә турында беләбез, тик аларны сөтсез генә эчәргә кирәк икән. Шикәрен дә әз генә саласы. Цитруслыларны ашау да уятып җибәрә. Алма составында тимер, магний, бор, С витамины бар. Алар игътибарны, активлыкны арттырырга булыша, кәефне күтәрә. Ачы шоколад бәхет гормоны серотонинын бүлеп чыгарырга булыша. Ул да кәефне күтәрә, баш мие эшчәнлеген активлаштыра.