Социаль челтәрләрдә һәм мессенджерларда кичкә таба күңелне өшетеп алган хәбәр тарала башлады. Имештер, яраткан җырчыбыз һәм театр артисты Фидан Гафаров автоһәлакәткә очраган да, хастаханәдә вафат булган.
Берникадәр вакыттан соң, Фидан абыйның улы Азамат үзенең сәхифә һәм аккаунтында әтисенең исән-сау булуы хакында белдерде. "Друзья мои. Хочу Всех успокоить, мой папа жив, здоров. Кто то пускает слухи, якобы Фидан Гафаров погиб в автокатастрофе (руки им оторвать), чтобы заработать деньги. Как только что сказал папа : Не дождутся. Так что всё Ок, друзья!" (орфография һәм стиль сакланды).
Без исә мондый рухтагы хәбәрләр таратырга яратучыларга искәртәбез: ялга хәбәрләр таратучылар өчен бик зур күләмдә акчалата штрафын да түләргә туры килүе бар, җинаять эше ачылу мөмкинлеге дә бар.
Иң мөһим һәм кызыклы язмаларны Татмедиа Telegram-каналында укыгыз
