16+

Үзебезнең туристлык объектларына республикабыз кешеләре ник йөрми? 

Җәй айларында һәр атнаның ял көннәрен Татарстан районнары белән танышуга багышлап була. Үзебездә дә истәлекле матур урыннар күп, кызганыч, республика кешеләре үзебездә ял итми. Татарстанның Туризм дәүләт комитеты Сергей Иванов шундый фикердә.  Быелның биш аенда Татарстанга килгән туристларның саны, узган елның шушы чоры белән чагыштырганда, 15 процентка арткан. Барысы республикада 700 мең турист булып киткән.

Үзебезнең туристлык объектларына республикабыз кешеләре ник йөрми? 

Җәй айларында һәр атнаның ял көннәрен Татарстан районнары белән танышуга багышлап була. Үзебездә дә истәлекле матур урыннар күп, кызганыч, республика кешеләре үзебездә ял итми. Татарстанның Туризм дәүләт комитеты Сергей Иванов шундый фикердә.  Быелның биш аенда Татарстанга килгән туристларның саны, узган елның шушы чоры белән чагыштырганда, 15 процентка арткан. Барысы республикада 700 мең турист булып киткән.

Сергей Иванов сүзләренчә, килүчеләрнең 99 проценты - Россия халкы. Шул ук вакытта үзебезнең туристлык объектларына республикабыз кешеләре йөрми, кайда ничек ял итеп, нәрсәләр күреп булуын да белеп бетермиләр, дип билгеләп үтте ул. 

Ә моның өчен Visit Tatarstan интернет порталы белән танышырга чакырды. Анда туристлар өчен мәгълүмат шактый, шул исәптән районнар турында да. Аларга аерым бүлек багышланган. Быел шулай ук туристлар өчен Tatarstan Tourist Pass дигән кушымта да эшли башлаган. Анда хәтта унлап аудиоэкскурсия дә бар. 

— Тагын бер яңалыгыбыз - ниһаять елга транспортына билетлар онлайн сатыла башлады. Болгар белән Зөягә елга транспорты белән дә барып була, - диде Сергей Иванов. 

Хәтерләсәгез, элек билет алу өчен елга портына барып йөрергә кирәк иде. Хәзер болай мәшәкатьләнәсе юк. Күптән түгел яңа «Метеор» төзелеп сафка басты, тиздән ул Казаннан Болгарга йөри башлаячак. 

17 июньдә Казаннан Чебоксарга "Валдай" судносы йөри башлар дип көтелә. Анда да яңалык бар - бер яки ике көнгә пакет турлары тәкъдим ителә. Аның эченә юл да, экскурсияләр дә, кунакханә яшәү дә кергән.  

Казансу һәм Идел буйлап елга сәяхәтләре дә оештырыла. 
Болгар белән Зөядән тыш, республиканың башка шәһәр-районнарын да барып күрергә кирәк. 

—  Алексеевскиның туку фабрикасында, аннан ерак түгел урнашкан страуслар фермасы, музейлар шәһәре Чистай, Кукмараның итек, савыт-саба заводы, туристларны көтә.  Кама Тамагына көненә берничә экскурсия төркеме барып кайта. Лобач тавыннан киң Идел һәм Кама елгаларын күзәтү генә дә ни тора. Әлмәттә исә нефтьнең ничек чыгуын күреп кайта аласыз. Сабада узган ел спа-үзәк ачылды. Арчадагы “Могҗизалар урманы” ел әйләнәсе эшли, - дип таныштырып үтте Сергей Иванов журналистларны.  


 

Язмага реакция белдерегез

1

0

0

0

0

Реакция язылган инде

Комментарийлар

Мөһим

loading