#Җәмгыять 07 декабря 2022, 15:27

 Дини мирас үзе бер чиксез байлык

07 декабря 2022, 15:27

Казанда бүгеннәрдә Бөтендөнья мәдәни һәм табигать мирасын саклау буенча Конвенция кабул ителүгә 50 ел тулуга багышлап халыкара конференция бара. Әлеге колачлы чара кысаларында, 7 декабрьдә Казан Кремлендә “Дини мирас корылмалары” халыкара конференциясе булды.

Скопировать ссылку

Анда Россиянең һәм чит илләрнең дин әһелләре, галимнәр, тарихчылар, җәмәгать эшлеклеләре катнашты. Татарстан мөфтие Камил хәзрәт Сәмигуллин, Россия мөселманнары Диния Җыены башлыгы Әлбир хәзрәт Крганов, Казан һәм Татарстан митрополиты Кириллның сәламнәре ирештерелде.

Конференциядә динара татулыкның мөһимлеге, дини архитектура һәйкәлләрен саклау, Гыйракның борынгы цивилизациясе һәм Россия Федерациясе белән хезмәттәшлеге, дөньякүләм әһәмияттәге дини мирасны югалтмау, Көньяк Кавказдагы һәм Урта Азиядәге мәдәниятләр кушылмасы, Россия мөселманнарының ислам фәнендәге мәдәни мирасы, борынгы Болгарны үстерү темалары күтәрелде.

Автор фотолары

Кызыклы яңалыкларны күзәтеп бару өчен Телеграм-каналга кушылыгыз.

#ЮНЕСКО #ЮНЕСКО Халыкара форумы

‹ ›