Кабан күлендә “Кытай Сабантуе”?!
Казанда 25 июньдә Ишкәкле спорт төрләре үзәгендә “Аждаһа көймәләре” бәйрәме була. Аны кайберәүләр уйлап-нитеп тормастан, “Кытай Сабантуе” дип тә игълан итә башлаган.
Казанда 25 июньдә Ишкәкле спорт төрләре үзәгендә “Аждаһа көймәләре” бәйрәме була. Аны кайберәүләр уйлап-нитеп тормастан, “Кытай Сабантуе” дип тә игълан итә башлаган.
Татарның милли Сабан туен башка халыкларга тагу җавапсызлыкның соңгы чиге, минемчә. Мәдәни мирасны саклый белү дә кирәк.
“Аждаһа көймәләре” бәйрәмен оештыру тәкъдимен республиканың вице-премьеры – сәнәгать һәм сәүдә министры Олег Коробченко керткән. Кытай Халык Республикасының Казандагы Генераль консулы Сян Бо башлангычны хуплаган.
Тамашачылар “Аждаһа көймәләре”нең узышын күрәчәк, кытай фонарьларын һәм һава еланнарын ясау буенча, шулай ук кәгазьдән иероглифлар кисүдә, кытай телен өйрәнүдә осталык дәресләрендә катнаша ала. Йога, сапсерфинг спорт күнегүләре оештырыла.
Балалар өчен уен мәйданчыгы әзерләнә. Малайлар һәм кызлар Бөек Кытай дивары төзү конкурсында үзен күрсәтергә мөмкин. Сабыйлар өчен һава шарлары тутырылган “бассейн” ясала.
Кытайда “Аждаһа көймәләре” – популяр бәйрәмнәрнең берсе. ЮНЕСКОның матди булмаган мәдәни мирас исемлегенә кертелгән әлеге бәйрәм ай календаре буенча бишенче айның бишенче көнендә билгеләп үтелә икән. Кытайда бу көн җәйнең башлануын белдерә.
Кызыклы яңалыкларны күзәтеп бару өчен Вконтактега кушылыгыз.
Комментарийлар