Казанда узган ел 724 янгын теркәлгән, 143 кеше коткарылган. Кызганыч, 23 кеше ут эчендә калып һәлак булган. Башкаладагы барлык мәктәпләр янгын хәбәрен җиткерә торган автомат җайланмалар белән җиһазландырылган. Ун җәйге ял лагерена, 37 балалар бакчасына ПАК «Стрелец-Мониторинг» аппарат системасы көйләнелгән.
Узган ел 3,1 миллион сумга 220 янгын гидранты төзекләндерелгән.
- Хәзер 4294 гидрант төзек, бу - шәһәрдәге барлык гидрантларның 98 проценты, - диде Фердинант Тимурханов. - шәһәр янындагы яшел зоналарда 222 километр озынлыкта махсус ерымнар ясалды. Табигатькә чыккан очракларда да ут белән сак эш йөртү сорала.
Комментарийлар