Көчле җил тагын утсыз калдырды
Республикада урнашкан төньяк циклон нәтиҗәсендә көчле җил чыгып, кичә районнарда 18 торак пункт утсыз калган.
Республикада урнашкан төньяк циклон нәтиҗәсендә көчле җил чыгып, кичә районнарда 18 торак пункт утсыз калган.
Әлеге уңайсызлыкларны хәл итү өчен, 16 техника җәлеп ителгән. Һава торышыннан ни көтәргә белмәссең: кояшлы җылы көннәргә ияләнеп кенә беткән идек, тагын салкынайтып куйды. Ә мондый тотрыксыз һава торышы республикада атна ахырына кадәр сакланачак әле: төннәрен туңдыра, көндез дә салкын. Бүген көндез нибары +2, +7 градус кына булачак. 26 апрель төнендә температура -1, -6 градуска кадәр төшәчәк, көндез +3, +8 градус, өстәвенә бүген дә, иртәгә дә яңгыр һәм юеш кар да яварга мөмкин, дип хәбәр итә ТР Гидрометеорология һәм әйләнә-тирә мохит мониторингы идарәсе. Ә дүшәмбедән җылытачак.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар