Рөстәм Миңнехановның депутатларга еллык юллама белән чыгу көне билгеле булды

Татарстан Президенты Рөстәм Миңнехановның парламент депутатларына еллык юллама белән чыгачак көн билгеле булды.

Чара 21 сентябрьдә 10.00 сәгатьтә Салих Сәйдәшев исемендәге Зур концертлар залында узачак. Бу хакта бүген Татарстан Республикасы Дәүләт Советының президиум утырышында игълан ителде, дип яза Татар-информ. Рөстәм Миңнехановның еллык юлламасы туры эфирда күрсәтеләчәк. Шулай ук аны радиодан да ишетергә мөмкин булачак. чарага 700 кеше чакырулы.