Сайлауларда татарстанлыларның 54,5 проценты тавыш биргән

15.00 сәгатькә булган мәгълүматларга караганда, Россия Президентын сайлауларда татарстанлыларның 54,5 проценты тавыш биргән. Бу хакта Татарстанның Үзәк сайлау комиссиясе рәисе Андрей Кондратьев хәбәр итте. 
– Шушы сәгатькә 1 миллион 596 мең 415 кеше тавыш биргән.  Матур һава торышы, кәеф яхшы. Активлык күренә, халык сайлауда катнаша. Барысы да штат режимында бара, – диде Андрей Кондратьев матбугат очрашуында.
Кичә кайнар линиягә 815 шалтырату булган. Бүген – 105. Күптән моның кадәр шалтырату кабул ителгән юк иде, диде спикер.