Шәһәр хакимиятеннән эшкуарларга ярдәм чаралары
Казан мэриясе старт-апларга ягъни яңа оешкан кече предприятиеләргә ярдәм өчен 6 миллион сум тәгаенләп куйган. Шәһәр хуҗалыгын үстерүгә юнәлтелгән кече предприятиеләргә муниципалитет конкурс нигезендә грантлар бирә. Ике этапта 20 җиңүче ачыклана, аларның һәркайсына 300 мең сум бирелә.
Казан мэриясе старт-апларга ягъни яңа оешкан кече предприятиеләргә ярдәм өчен 6 миллион сум тәгаенләп куйган. Шәһәр хуҗалыгын үстерүгә юнәлтелгән кече предприятиеләргә муниципалитет конкурс нигезендә грантлар бирә. Ике этапта 20 җиңүче ачыклана, аларның һәркайсына 300 мең сум бирелә.
— Моннан тыш, кече һәм урта бизнес продукциясе һәм хезмәт күрсәтүләре сыйфатын раслый торган сертификатка 50 мең сумга кадәр 50 субсидия бирелә. Әлеге ярдәм чараларын тапшыруның норматив актлары август аена кадәр өлгертеләчәк, - дип хәбәр итте “эшлекле дүшәмбе” киңәшмәсендә шәһәр Башкарма комитеты җитәкчесе урынбасары Илдар Шакиров.
Сәүдә өлкәсендә эшли торган эшкуарларга стационар булмаган сәүдә корылмаларын кабул итүнең кагыйдәләре үзгәртелгән. Хәзер кабул итү электрон рәвештә башкарыла. Комиссия кимчелекләр турында бер мәртәбә генә күрсәтмә бирә. Кимчелекләр бетерелгәннән соң, шәһәр структуралары барысы да бердәм имза куя. Элек һәр структура күрсәтмәләр биргән. Мондый гадиләштерү документ тутыруны 21 көнгә кыскарткан. Документны килештерү барышында туган сораулар ZOOM-конференция рәвешендә хәл ителә.
— Стационар булмаган сәүдә корылмаларының сызым-проектларына һәм аларның элмә такталарына да параллель килештерү тәртибе кулланышка кертелде, - дип, тагын бер яңалык әйтте Илдар Шакиров.
Пандемия чорында кече һәм урта бизнеска теләктәшлек максатында, шәһәр хакимияте муниципаль парковкаларның ташламалы эш режимын сентябрьгә кадәр озайтты. Быелның I-IV кварталларында реклама корылмаларыннан файдаланган һәм игъланнар урнаштырган өчен түләүләр кичектерелде. Рестораторлар икенче ел рәттән җәйге сезонда җәйге верандаларны бушлай урнаштыра. Бүген башкалада җәйге верандалар эшчәнлегенә 90 килешү кабул ителгән.
Казанда 2016 елдан муниципаль биналарга “Аренда каникулы” ташламалы аренда программасы гамәлдә булганлыгын искәртте Илдар Шакиров. Эшкуарларга 114 корылма тәгаенләнгән. Алар аннан вакытлыча файдалану һәм милек сыйфатында тулаем сатып алу хокукына да ия. Хәзер әлеге исемлектән 53 бина арендада, 35 бина тәртипкә китерелгән. Аларда хостеллар, туристлык офислары, матурлык салоннары, сервис үзәкләре булдырылган. 14 бинада төзекләндерү алып барыла. Эшкуарлар бина-корылмаларга төзекләндерү үткәрүдән тыш, 264 эш урыны булдырган, шәһәр бюджетына15 миллион сум салым түләгән.
Фото: http://ksp.kzn.ru
Комментарийлар