Тизйөрешле трамвайлар апрельдә йөри башлый

Әлеге сорауга «Метроэлектротранс» муниципаль унитар предприятиесе генераль директоры Әсфән Галәвов җавап бирде:
Студентларның халыкара җәйге Универсиадасына әзерлек кысаларында башкаланың электр транспорты паркы да яңартыла. Казанга 10 берәмлек гадәти һәм 20 берәмлек тизйөрешле трамвай кайтартылачак. Тизйөрешле трамвайлар «Казан» тимер юл вокзалы - «Кояшлы шәһәр» маршрутында хәрәкәтләнәчәк. Киләчәктә әлеге маршрут шәһәрне «боҗра»га алачак. Хәрәкәт «Казан» тимер юл вокзалы - Киров дамбасы - Лена урамы - Ямашев проспекты - Көньяк трасса - Җиңү проспекты - «Кояшлы шәһәр» - Борисково бистәсе - Вахитов мәйданы - Тимер юл вокзалы буенча капма-каршы юнәлешләрдә гамәлгә ашырылачак. Яңа трамвайлар маршрутларга апрель аеннан чыга башлаячак.