Түтәлдән – өстәлгә

Агропромпаркта бәяләр Казан агросәнәгать паркы акрынлап казанлыларның күңелен яулап килә. Ит, сөт, май, яшелчә, җиләк-җимеш - барысы да үзебезнеке, үзебездә җитештерелгән. Бәяләре дә чагыштырмача арзанрак: товарларны җитештерүчеләр үзләре тәкъдим иткәнлектән шулай бу. Кем әйтмешли, әле иртән генә түтәлдә булган әйбер көнендә киштәгә дә менә.