"Башта кызым юл һәлакәтендә үлде, аннан улым яман чирдән китеп барды..."
Газетагызга яшьләр күп яза. Һәрберсендә әлеге дә баягы мәхәббәт, хыянәт проблемасы. Кайберләрен укыйм да, көлеп куям. Яшьлек – юләрлек, дип юкка әйтмиләрдер инде. Хәзерге яшьләр иркендә, рәхәттә яши, безнең кебек кыенлык күрмәгән алар.
Газетагызга яшьләр күп яза. Һәрберсендә әлеге дә баягы мәхәббәт, хыянәт проблемасы. Кайберләрен укыйм да, көлеп куям. Яшьлек – юләрлек, дип юкка әйтмиләрдер инде. Хәзерге яшьләр иркендә, рәхәттә яши, безнең кебек кыенлык күрмәгән алар.
Мине Фәрхәт үзләренә урлап алып кайтты. Миңа 19 яшь иде, бик ошатып йөргән егетем дә бар иде. Аңа кияүгә чыгармын дип хыялландым, тик язмыш үзенчә хәл итте. Фәрхәткә чыктым, яратмыйча. Яратасыңмы, юкмы дип сорап торучы да булмады. Башта бик еладым, беренче балабыз тугач та сагышланып йөрдем, әткәй белән әнкәй янына кайтасым килде. Икенче улыбыз тугач, күндем. Ә кая барасың? Шулай итеп, бер-бер артлы диярлек дүрт балабыз туды.
Авыр еллар булды. Ашарга да җитмәде, балаларга кием алырга да рәт юк иде. Фәрхәт көн дими, төн дими басуда, фермада эшләде. Аннары үпкәләренә суык тидереп, 43 яшемдә мине тол калдырып китеп тә барды. Фәрхәтсез бик кыен булды яшәүләре. Кызларым ярар, минем янда кайнашты. Ә менә малайларга әти кирәк булды. Шулай да Ходай ташламады безне, балалар үсеп кеше булдылар.
Тик Ходай бер сынаса сыный бит ул. Кызым авылга кайтканда, юл һәлакәтенә очрап үлде. Рульдә үзе иде. Аннан ике ел узгач, улым да яман чирдән китеп барды. Йөрәкләрем ничек түзгәндер, Ходай бу юлы да мине ярдәменнән ташламады. Әмма йөрәгемдә меңәрләгән тирән яра... Менә шундый сынаулар кичергән кеше мин. Ә сез тузга язмаган проблемаларыгызны халыкка чыгарып, кара кайгыга баткан буласыз.
Яшьлеккә кире кайтып, нидер үзгәртер идемме мин? Юк. Фәрхәтемне яратмаган булсам да, мин аңа бик рәхмәтле, чөнки ул миңа дүрт бала бүләк итте. Балаларым – йөрәк парәләрем, Фәрхәтемнең якты истәлеге алар. Ә ярату белән генә булмый, ярату бүген бар, иртәгә юк. Бу дөньяда бер-береңә хөрмәт булырга тиеш. Әйтәсе килгәнем шул: парларыгызны саклагыз, хөрмәт итегез, яшьләр.
Мәүҗидә апагыз.
Кызыклы яңалыкларны күзәтеп бару өчен Вконтактега кушылыгыз.
Вход на сайт
Язмага реакция белдерегез
Мөһим
-
#Спорт
Безнекеләр җиңде. Безнекеләр булмаган безнекеләр дә җиңде
-
#Язмалар
Биектауда зур янгын: “Яналар бит, тереләй яналар, коткарыгыз!..”
-
#Кыскача яңалыклар
Татарстанның район хастаханәләренә 24 меңнән артык өлкән авыл кешесе китерелгән
-
#Кыскача яңалыклар
Алабугада БПЛА һөҗүменнән соң хастаханәләрдә өч зыян күрүче кала бирә
-
#Җәмгыять
Матур гөлне алабута чәчәкләре белән бутамасагыз иде
Комментарийлар
4
0
Бик дорес сузляр
0
0
1
1
Ҙур рәхмәт. Мәүжидә апай..Минҽңдә ҙурайып бөткәс өс балам һәләк булды.
0
0
0
0
Язмыштан узып булмый шул.
0
0
1
0
Аллаһым хәерле ярдәменнән ташламасын,ул көдрәтле,ул көчле,миһербанлы,барыбызга даярдәм бирсен,бер Раббым,тулы зиһен,камил акылдан аермасын беребезне дә,амин
0
0