#Язмыш 11 марта 2022, 10:34 Уку өчен 2 минут

Хатын да куып чыгарды, сөяркәм дә ташлады...

11 марта 2022, 10:34

Уку өчен 2 минут

Газетагызны ир-атлар да яратып укыганны беләм, шуңа күрә ирләрдән киңәш сорап язуым. Моннан 10 ел элек гаиләбез белән районнан шәһәргә күчендек.

Скопировать ссылку

Хатын да куып чыгарды, сөяркәм дә ташлады...

Җыелган шактый гына акчабыз бар иде, өч бүлмәле фатир алдык. Хатын белән икебез дә яхшы эшкә урнаштык, малайны гимназиягә укырга керттек.

Тормышыбыз матурланып китте генә дигәндә, юл һәлакәтенә очрадым. Үземә зыян килмәде, ә машинага ярыйсы гына эләкте. Авариянең гаепчесе яшь кенә чибәр бер кыз иде. Адилә белән бер-беребезгә ничек гашыйк булганны аңламыйча да калдым. Шулай итеп, без шактый вакыт очрашып йөрдек.

Хатыннан китәм дип йөргәндә, Адилә араларны өзәргә теләвен әйтте. Имеш, мин аңа секс өчен генә кирәк булганмын. Бу сүзләрне бик авыр кабул иттем. Кыскасы, хатын да өйдән куып чыгарды, Адиләсез дә калдым.
Хәзер ничек тә хатынны кире кайтарырга иде. Мин аны тагын да ныграк ярата башладым кебек. Көн саен эшеннән каршы алам. Ә аның исе дә китми. Миңа чит кешегә караган сыман карый. Гафу итәргә уенда да юк, “аерылышабыз” ди.

Эштәге дуслар миннән көлә. “Ярык тагарак янында утырып калдың”, диләр. Минем кебек хәлдә калучылар бармы икән? Берәр киңәш бирсәгез иде...

Фото: pixabay.com

Айнур Г.

Кызыклы яңалыкларны күзәтеп бару өчен Вконтактега кушылыгыз.