#Язмыш 04 августа 2023, 10:13

“Мин сине яратам, ләкин бу очрашу – соңгысы, чөнки..."

04 августа 2023, 10:13

Тугызынчы сыйныфта укыганда, сыйныфташ кызга гашыйк булдым. Гашыйк булуның нәрсә икәнен дә белмим, тойганым булмады. Әмма ул кызга карата мин бик көчле хисләр кичердем.

Скопировать ссылку

“Мин сине яратам, ләкин бу очрашу – соңгысы, чөнки..."

Мәктәптән соң ул көллияткә укырга керде һәм безнең аралашу сирәгәйде. Ул вакытта икебездә дә телефоннар юк иде әле, язышып яки шалтыратышып сөйләшеп булмады. Көннәрдән беркөнне күрешкәч, ул минем белән очрашырга теләмәвен әйтте дә китеп барды. Ул кичне өенә бардым, әтисе аның өйдә булмавын әйтте. Шулчак дөнья ишелгән сыман булды. Ни өчен миннән качып йөрүен аңламадым.

Унынчы сыйныф соры, төксез, күңелсез булып истә калды. Автомат рәвештә укыдым, йокладым, ашадым. Берни дә кызык түгел иде миңа. Ә аннары барысы да кинәт кенә үзгәрде, моңсулык та юкка чыкты.

Хәзерге вакытта ике югары белемем бар. Менә дигән урында эшлим. Беренче хатын белән тормышыбыз барып чыкмады, икенче тапкыр өйләндем. Хәзер өч балам бар.

Бервакыт “Вконтакте”да теге сыйныфташым дусларга өстәлде. Аптырап киттем. Әлбәттә, аны дусларга кабул иттем. Языштык, аннары күрешеп кәһвә эчтек. Саубуллашканда, ул кабат күрешергә тәкъдим итте. “Мин сине яратам, ләкин бу очрашу – соңгысы, чөнки балаларымны күбрәк яратам. Гаиләмне җимерергә теләмим”, – дидем.

19 ел узгач, нәрсә өмет итеп килгән ул, шуны аңламыйм. Бәхетле булсын иде дип телим...

Нияз Р.

Кызыклы яңалыкларны күзәтеп бару өчен Телеграм-каналга кушылыгыз.