“Татарстанда коронавирус инфекциясе буенча вәзгыять киеренке кала”

“Яңа коронавирус инфекциясенә бәйле вәзгыять Татарстанда киеренке кала. Әмма сайлау кампаниясе, коронавирус таралу шартларында, инде беренче ел гына үткәрелми. Без, барлык саклану чараларын кулланып, сайлау кампаниясен үткәрдек инде”,- дип белдерде Роспотребнадзор хезмәтенең Татарстан буенча идарәсе җитәкчесе Марина Патяшина.

Билгеле булганча, сайлау участокларында эшләүчеләрнең күбесе коронавируска каршы вакцина ясатучылар. ТР Үзәк сайлау комиссиясе мәгълүматлары буенча, комиссия әгъзаларының 63 проценты тулысынча вакцинация узган.