Физкультурадан мәҗбүри имтихан кертергә тәкъдим итәләр

Мондый инициатива белән Россия Иҗтимагый палатасы сәркатибе урынбасары Владислав Гриб чыккан. Ул имтиханны вариатив итәргә кирәк дип ассызыклый – һәр укучы яраткан спорт төрен тапшыра алачак.

ГТО нормативларын тапшыру альтернатив булырга мөмкин, әмма иң мөһиме, мәктәптә спорт гади формальлек булып калмасын. Шул ук вакытта спорт разрядлары ияләрен, секцияләрдә катнашучыларны, шулай ук мәктәп һәм район ярышларында җиңүчеләрне аттестациядән азат итәргә була.