«Лидер булмасак булмабыз, аның каравы, үзебез үстергән балалар белән килдек!»

Бүген бик күп хөрмәт иткән тренерлар белән сөйләштем, көрәшчеләр белән күрештем. Яшьләрнең күбесе белән дә бер-беребезне яхшы беләбез хәзер. Җәйге ялдан соң көрәш тә, көрәш дөньясындагылар да сагындырып өлгергән. Актанышка бара алмагач, озын тәнәфестән соң бүгенге ярыш - миңа беренчесе иде. Арагызда буталып йөри-йөри, шулхәтле үз кешеләргә әйләнеп беткәнбез, шуны тагын да ныграк сиздем бүген. Күп тренерлардан бер үк фикер алдым: "Лидер булмасак булмабыз, аның каравы, үзебез үстергән балалар белән килдек!" - диделәр. Куйган хезмәтләре, сабырлыклары, авырлыклар белән булса да көрәшче балалар үстереп, команда туплап килгәннәре өчен рәхмәт! 

Чаллыларга килгәндә... Бүген карыйм, залдан Рәкыйп абый Фәйзуллин, Айрат абый Гилаев, Айдар Нәҗмиев, Ленар Садыйков, Азат Габдрәшитовлар һәм башкалар кереп бара. Полный делегация малай! "Ууу, ерактан сизелә, минәйтәм, Чаллылар керә", - дим. "Кайдан сизелә?" - ди Айдар Нәҗмиев елмаеп. "Характерыгыздан. Уверенность бәреп тора. Ялгышмыймдыр бит?" - дим. "Дөрес!" - дип пичәт сукты чаллылар. Төялешеп килгәннәр. Тренерлары, көрәшче Азатлары, Рамазаннары да, теге баштан өстәл артыннан Рамил Хисмәтуллиннары да - барысы да кыздыра.

Бөтен командаларны хөрмәт итәм. Көрәштә озак еллар зур көч куеп эшләүче Яңа Савинны да, Мамадыш, Арча, Балтач, Актанышны, Кукмара, Сабаны да һәм башка күп командаларны да пьедесталда күрәсебез килә. Тамашачылар гел шул хакта сөйләшеп утырдык. Әмма җирәбәсе, алдагы язмада телгә алынган мәсьәләләр дә, район җитәкчелегенең ни дәрәҗәдә терәк булуы да, иганәчеләр булу-булмау да, бердәмлек тә... - барысы да үзенекен эшли. Ике зур ярышта рәттән җиңгән Чаллыга хисләр белдергәнгә, гаеп итмәссез. Ул рух безгә - зрительгә дә "бәрә". Ставка куйган командам да, көрәшкән энем дә юк. Әмма космоска очарга мөмкинлек биргән давлением бүген күтәрелеп алды минем дә. Чөнки ярыш бик шәп узды! Адреналин🔥

Өстәгеләр "добро" биргәч, күршеләрдән чакырып китерелгән балаларның гаебе юк. Безгә бар да матур көрәш күрсәтте. Әмма... Радик язды, кабатлап торасы юк. Кичә - флаг, бүген - почти команда тутырып, иртәгә... Афәрин, булдыралар! Аннары еламыйк "только"…

Лилия Йосыпова