Нишләдең син, Раил?
Көрәштә хөкемдарларга чара күрергә вакыт җитте түгелме? 15 гыйнварда “Манзара”ны карагач, кайбер көрәшчеләргә, аерым алганда Раил Нургалиевка булган хөрмәтем берникадәр кими төште.
Көрәштә хөкемдарларга чара күрергә вакыт җитте түгелме? 15 гыйнварда “Манзара”ны карагач, кайбер көрәшчеләргә, аерым алганда Раил Нургалиевка булган хөрмәтем берникадәр кими төште.
Ишеткәнсездер инде – узган шимбәдә Казанда “Манзара” спорт-музыка премиясе кысаларында чираттагы тапкыр чемпион билбавы ияләре ачыкланды. Турнир турында яздык, җиңүчеләрнең кем булуын укучыга җиткердек, әмма күпчелек кешедә сорау тудырган бер мәсьәләгә ачыклык кертүне азакка калдырырга булдык. Укырга: Көрәшнең дә кешбэгы булды
Тулырак: http://shahrikazan.ru/news/yazmalar/krshne-d-keshbegy-buldy
Эш шунда: 130 килограммга кадәрге авырлыкта 3нче урын язмышы өчен бил алыш булмый калды. Булат Мусинның – 3нче, Раил Нургалиевны 4нче урында калуы бүләкләү вакытында гына билгеле булды. Тамашачы берникадәр шаулап алса да, ни сәбәпле шундый карар кабул ителүе билгесез иде. Тамаша барышында бу сер ачылмады.
Ә чынлыкта эш болайрак булды. Ярымфиналда Радик Сәлаховка оттырган Раил Нургалиев 3нче урын өчен көрәшүдән баш тарткан. Булат та хөкемдарлардан: "Чакырып тормагыз инде, мин генә көрәшкә чыксам, тамашачы кабат ризасызлык белдерәчәк”, – дип сорады. Шул рәвешле бронза медаль язмышы җиңел генә хәл ителде.
Инде медальнең икенче ягын карыйк. Хакыйкатьтә бит бу алышта 15 мең сум акчалата бүләк язмышы да хәл ителде: 3нче урынга – 30 мең, ә 4нчегә – 15 мең сум бирелде. Җиңәсең икән, көндәшеңә караганда 15 мең сумга күбрәк акча эшлисең дигән сүз. 5 минут эчендә – 30 мең сум! Зур суммамы бу? Көрәштә акча юк инде ул дигән фикерне җай чыккан саен кычкырып йөргән көрәшчеләр өчен аз түгел, безгә калса. “Сез нинди акча турында сөйлисез соң ул? Көрәштә акча юк! Юк!” – дип, өстәлгә йодрык белән чәпелдәп куйды”, – дип язган иде Раил Нургалиев турында берничә ел элек “Интертат” басмасы. Акча юклыкка зарланып йөргән кеше өстәмә 15 мең сумнан баш тарта микәнни ул?!
Бу урында хөкемдарларга да чара күрер вакыт җиткәндер. Ник әле 3нче урын өчен көрәшкә чыгудан баш тарткан (сау-сәламәт килеш!) көрәшчене ярышлардан гомумән төшереп калдырып, 4нче урынны 5тә калган көрәшчегә бирмәскә? Киләчәктә сабак алсын һәм 15 мең сумның да шактый зур акча икәнен аңласын өчен.
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Кыскача яңалыклар
Татарстан токсикологы: БАДларны контрольсез куллану бавырны зарарларга мөмкин
-
#Дин
“Томан иңгәндәй...” чакларда Аллаһның Расүле нишләгән?
-
#Язмыш
Хәдис Хафизовның соңгы сүзләре һәм батырлык юлы: «Намаз укырга өйрәнергә кирәк»
-
#Кыскача яңалыклар
4 августка каршы төндә Татарстанда яшенле яңгыр һәм көчле җил көтелә
-
#Җәмгыять
Ирен югалту хәсрәтеннән соң ялгыш юлга баскан ана ничек тормышын үзгәрткән
Комментарийлар
0
0
Бик дорес фикер бу!
0
0
0
0
Раил үзенең вакыты узганына хаман килешә алмый. Яшьләр көчлерәк бит, гомер буе беренче булып булмый инде. Ул бик көчле көрәшче, бик хөрмәткә лаек, афәрин. Тик бу гамәл аны бер дә бизәми
0
0
0
0
Сложилось мнение, что денег не хватает именно автору материала. Раиль принял решение и здесь не может быть определения правильное оно или нет. «Что одному хорошо-другому смерть!»
0
0
0
0
45 менне икегэ булеп була бит корэшмичэдэ
0
0
0
0
Халык ерак юлларны якын итеп корэшкэ килгэн(корэш карарга), нинди корэшмэу ул, корэш премиясендэ?! Корэшчелэр белэн контракт тозергэ кирэк - эгэр корэшмим дип белдерэ икэн, тошереп калдырырга, куырга.
0
0