"Манзара"да кемнәр көрәшәчәк?

Билгеле булганча, 18 гыйнвар көнне Казанның Цирк бинасында янә грандиоз тамаша - "Манзара" премиясе өчен көрәш көтә. Көне буе диярлек спорт яратучылар цирк бинасында татарның иң көчле батырларын, яраткан артистларын күрә алачак. Моннан тыш, оештыручылар тамашачылар өчен сюрпризлар да әзерләгән. Әйтик, цирк аренасында Мәскәүдән килгән сумо осталары үз көчләрен күрсәтәчәк. Алары исә, үз чиратында, татар көрәшендә бил ныгыткан егетләрне дә үзләре белән көч сынашырга чакыра икән.

Ә төп бүләк - алтын билбау өчен кемнәр бил алышачак соң? Чараны оештыручы Айдар Шәймәрданов әлегә бөтен серләрне дә ачып бетерми. Шулай да ул узган җәй көнендә шәһәр һәм районнарда абсолют батыр булып танылган көрәшчеләргә чакыру җибәрелүен, күбесеннән уңай җавап килүен искәртте. Ул тәкъдим иткән исемлеккә күз алып алсак та ярыйдыр. Әйткәнемчә, әле биредә үзгәрешләр дә, өстәмәләр дә булырга мөмкин:

Альберт Мамалиев
Айдар Алтынбаев
Илсур Сафин
Илнар Галимов
Илшат Идиатов
Дамир Әдиятуллин
Расул Гиззатуллин
Ильмир Сабиров
Марат Миначев 
Владимир Токсаров
Алмаз Гыйләҗев
Зөлфәт Гарифуллин
Ришат Сагиров
Руслан Газизуллин
Делюс Закиров
Рустам Юсупов
Илмир Ахунзянов
Фәрхәт Фәйзуллин
Айдар Хуҗин
Муса Галләмов
Раиф Нигъмәтуллин
Сергей Сидорин
Хәмит Миңнуллин
Булат Мусин
Айнур Сыртаев
Ренас Калимуллин
Ранис Гилязетдинов
Раил Нургалиев

Бу хакта тагын укырга: "Манзара"га билетлар тәмамланып килә, диләр. Ашыгыгыз!