Шәһри Казан

Бәрәкәт имансыз килми

Иманлы һәм эше булган авылның гына киләчәге бар. Авыллар бетә, дип чаң сукканда да шул ике факторга төртеләбез шул - эшсезлек һәм аракы кергән авылларыбызны ничек саклап калмак кирәк? Актанышның «Әнәк» агрофирмасында да иң элек әнә шул асыл формула телгә килде. Районда тотрыклы берлек, дүрт авылны эшле иткән әлеге агрофирма...

Реклама

Намазын калдырмаучы «Әнәк» агрофирмасы директоры Фарис Фәтхиевнең ул яктан талканы коры - бу заманда эшеңне җиреңә җиткереп үтәгәндә генә тотрыклылыкны саклап була. 355 кеше эшләүче коллективында ул шуңа да денле һәм динле караш тәрбияли. «24 сәгатьнең бер сәгатен Аллаһы Тәгаләгә багышласак, без үсәбез генә. Минем, шәхсән, мәчеткә бер кереп чыксам гына да, эшем гөрләп бара», - ди ул. Агрофирмаларның күбесенә шактый тел-теш тигән заманда, үзе дә шушы авыл - беренче Президентыбызны биргән Әнәк җирлеге кешесе Фарис абый туган як кадерен белүчеләрдән. Авыл хуҗалыгына багышлаган дистә еллары эчендә аны югарырак эш урыны тәкъдим итеп Казанга бер генә чакырмаганнар. Фарис Гаяз улына кәгазь эше түгел, үз кулың белән тотып эшли торганы күпкә кадерлерәк. Уңыш формуласы, җитәкчелек эше турында сораша башлавыма да ул үзенең тормыш юлы турында түгел, кул астында бер йодрык булып эшләүче хезмәткәрләрен мактарга тотынды. Зоотехнигы Шәйхулла Солтанов, агрономы Айзат Заманов, инженеры Тимерҗан Әхмәдишин, уң кулы Радик Гәрәевтән кала нинди эш алып бару ди ул? Азат Шәрипов, Флүс Фәрхетдинов, Гөлфия Фәтхиевалардан кала да «Әнәк»не күз алдына китереп булмый.
Ике катлы ялт итеп торган административ биналарына керү белән дә эшләүчеләрнең кем икәнен чамалап була. Бөтен җирдә тәртип, бөтен җирдә чисталык монда. Май чүлмәге тышыннан билгеле, диюләре хактыр. Эштәге уңышлары белән дә урынлы мактанып була инде бу очракта - узган ел гына «Әнәк» агрофирмасы гектарыннан 30 центнер чиста уңыш алган. Рапсны да районкүләм дан тотып, 16 центнер итеп җыйган алар. Монда җитәкченең дә тырышлыгы әйтеп бетергесез, утыз ел авыл хуҗалыгы тармагында эшләүче Фарис Гаяз улы, белем буенча икътисадчы булса да, үзе дә басудан кайтып керми. Бөтен җирдә башта үрнәк күрсәтү, аннан гына эш таләп итеп була, дип саный ул. Шуңа да һәр эшченең гаилә хәле белән дә таныш, уңышлары турында да кәгазьгә карамый гына сөйли: «Сыер савучыларыбызның бөтенесе тырыш. Шәвәлиева Динә быел Казанда узган уңыш бәйрәменә дә барды. Гыйльфанова Хәмидәне мактаудан кала телгә алып булмый. Терлекчеләребездән Мирзанур, Дилүс, Ришат, Индус, Вильдан кебек алны-ялны белми эшләүчеләр булганда, ничек артка калып була?» Өч ел рәттән районда техникага сак караш буенча беренче урынны алган, шуның өчен ТР Авыл хуҗалыгы һәм азык-төлек министрлыгының 100 мең сум күләмендә премиясенә дә лаек булган агрофирма үзенең кыр батырларына да бәяне зурдан бирә. А.Шәрәфиев, М.Хөсәенов, В.Солтанов, У.Адәмбаев кебек комбайнчылар, Ф.Саматов, Х.Баянов, М.Хәйретдинов кебек механизаторлар да җитәкче теленнән макталып кына тора.
Үз эшеңне ярату кирәк, - ди Фарис Фәтхиев. - Авылда авылны яратмаган кеше эшли дә, нинди дә булса нәтиҗәгә ирешә дә алмый. Тәртипне югалтмау, Ходайның барлыгын онытмау, кешелекле булу зарур дөньяда. Җитәкче генә түгел, һәр кеше шуңа омтылырга тиеш.

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 12 март 2018 - 08:37
    Илсөя Бәдретдиновага роза чәчәге урынына Роза кушаматлы тавык бүләк иткәннәр (ВИДЕО) Илсөя Бәдретдинова бу көннәрдә гастрольләр белән Татарстан һәм Башкортстан буйлап сәяхәт кыла. Аның инстаграмына карасаң, билет сатып алып килгән тамашачы, күчтәнәчсез дә килми икән.
    708
    0
    1
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    555
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    412
    0
    0
Ночной режим