Шәһри Казан

Һәркем үзе җавап бирә ләбаса

Әлфия Фазлыеваның «Динне бозык динчеләр боза» («ШК»ның 17 гыйнвар саны) дигән мәкаләсен укыгач язарга булдым.

Реклама

Мин әбиемнең җеп эрләп утырганда иман шартын көйләгәнен, бабамның ишегалдында Коръән сүрәләрен көйләп эшләп йөргәнен ишетеп үстем. Бабамның абыйсы мулла иде. Сугыштан соң йорты-малы булмаганнар бәрәңге кабыгы сорашып йөрделәр. Әби-бабайлар кергән сәдакаларын балаларга биреп, башларыннан сыйпап, яхшы теләкләр телиләр иде. Безнең бабаларыбызның сакаллары кыска, чиста, йөзләре ачык, үзләре безгә үрнәк булдылар. Ә мулланың киеме ап-ак, түбәтәй өстеннән ап-ак эшләпә кияр иде. Аның әүлиянеке кебек йомшак тавышы хәзер дә колагымда. Шунлыктан, без үскәндә, халыкның бер-берсенә карашы яхшы булды.
Мин үзем 4 ел мәчеттә белем алдым. Аллага якынаю өчен меңләгән кеше шунда бара. Мәчет төзегән кешеләргә тел тидерү һәм кемнеңдер сәдака биргәнен гаепләүне мин аңламыйм, Алла каршында һәркем үзе җавап бирә. Гөнаһ кылып, икейөзләнеп йөргән булса - анысы өчен дә җавап тотар.
Хәзерге көндә халык бер-берсенә бәйләнә, тырнак астыннан кер эзли. Ә бит милләтебезнең руслашуы һәм мәктәпләрдә православие дәресе керә башлау кебек яман эшләр бар. Милләтебезнең таркаулыгы, бигрәк тә дин әһелләренең мал турында гына уйлаулары, бер-берсенә яла ягулары халык өчен күңелсез күренеш. Бүтән илләрдәге мөселманнарның бер-берсе белән сугышып ятуы да безнең илебезгә, милләтебезгә һәм динебезгә начар караш тудыра. Ә мөселман илләреннән килгәннәр үзләре исә безнең динне ничек тотуыбызны тәнкыйтьли икән.
Минем теләгем - авыл мәчетләрендә сәдака җыю гына түгел, килгән кешеләрне хөрмәт белән каршы алу, аларга Коръән сүрәләре һәм вәгазьләр тыңлату да оештырылсын иде. Халыкка дин генә түгел, тәрбия дә кирәк бит.

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 21 апрель 2018 - 08:56
    Янгын чыга калса, ничек исән калырга?
    Кемеровода булган фаҗигадән соң күпләр яшәеш мәгънәсе турында уйлана, ваемсызлыктан арынып, тормышы иминлеге турында кайгырта башлады. Безнең өчен бу бер гыйбрәт булды.
    68
    0
    0
Ночной режим