Грузинча борыч ясау РЕЦЕПТЫ

Грузинча борычны әзерләү өчен: 1 кг кызыл борыч, берничә суган, 4 аш кашыгы үсемлек мае, бер бәйләм петрушка, 1 аш кашыгы тоз, 2 аш кашыгы шикәр комы, 1 чәй кашыгы хмели-сунели, 1 чәй кашыгы кара борыч, 2 аш кашыгы 9 процентлы аш серкәсе кирәк булачак.

Борычларны юып, орлыкларын алырга. Боҗралап турарга. Суганны шулай ук боҗралап, ә петрушканы вак итеп турарга. Сарымсакны пресс аша чыгарырга. 
Борыч, суган, петрушка һәм сарымсакны бергә кушып, яхшылап болгатабыз. Аннан үсемлек мае, тоз, шикәр комы, хмели-сунели һәм төелгән кара борычны сибеп, кул белән болгатабыз. Катнашманы берничә сәгатькә калдырабыз.  

Тиешле вакыт узганнан соң кәстрүлгә салып, кайнатып чыгарабыз. Капкач каплап, акрын утта 10 минут пешерәбез. Пешәргә берничә минут кала аш серкәсе салабыз. Тагын бер кат яхшылап болгатабыз. Стерильләштерелгән банкаларга кайнар килеш тутырып, тимер капкач белән ябабыз. Банкаларны әйләндереп каплап, бүлмә температурасында суытабыз. 

Фото: ru.freepik.com