Альбина Кармышева: "Ике елдан артык эзләдек..."

“Фатир алдык. Ике ел эзләдек, 2022 елның гыйнвар уртасында сайладык. Зур, ике бәдрәфле, биек түшәмле, аш-су бүлмәсе дә иркен, студия түгел (һәркемнең үз бүлмәсе булсын дип теләдек). Ике елдан артык эзләдек, шушы вакыт эчендә фатир бәяләре шактый артты, бәлки шулай кирәк булгандыр.

Февраль ахырында махсус операция безнең гаиләгә дә кагылды (ул турыда сөйлисе килми), чөнки “ничек сез җырлый, бии, күңел ача аласыз?” дип язалар. Бу минем эшем. Ике атнага якын борчылып йөрдем, ә 4 март көнне үземне кулга алдым. Март һәм апрельдә концертларымны дәвам иттем, туй-юбилейлар алып бардым. Параллель рәвештә фатир белән шөгыльләндем. Җәй көне Сабан туйларында эшләдем. 

Сентябрь, октябрь, ноябрь, декабрь айлары бик кызу һәм нәтиҗәле узды. 2022 елда чит илдә ял итеп булмады, чөнки чит ил паспортлары гамәлдән чыкты. Игелекле эшләр күп булды, әмма мактанмыйм. Барысы да чын күңелдән эшләнә”, - дип язган Альбина Кармышева.