#Кыскача яңалыклар 28 сентябрь 2018, 13:04

Быел Россиядән 22 мең кеше хаҗ кылган

28 сентябрь 2018, 13:04

Россия Федерация Советында 2018 елгы хаҗ нәтиҗәләре турында сөйләштеләр. Быел Согуд Гарәбстанына Россиянең 79 төбәгеннән 22 мең кеше хаҗ кылырга барды. Быелгы хаҗның үзенчәлеге электрон паспорт-бейджлар кулланудан гыйбарәт булды, дип яза Татарстан мөселманнары диния нәзарәте матбугат хезмәте.

Скопировать ссылку

Быел Татарстаннан 1800 кеше хаҗ кылган. Алар барысы да Татарстанның «ДУМ РТ Хаҗ» рәсми хаҗ операторын сайлаган. Туроператор һәрбер хаҗига яшел-саргылт төстә чемодан һәм сумка тапшырган. Әлеге төс халык арасында татарстанлыларга югалмаска ярдәм итә. Хаҗиларны юлда һәм хаҗ гамәлләрен үтәгәндә тәҗрибәле, гарәп, татар һәм рус телләрендә камил аралашучы җитәкчеләр озатып йөргән. Төркемнәрдә якынча 50 кеше тупланган.

Кызыклы яңалыкларны күзәтеп бару өчен Т елеграмга кушылыгыз.

#хаҗ #ДУМ РТ Хаҗ