Гадәти булмаган белдерү: Казанның мәктәп укучысы күршеләреннән ярдәм сорый

Альбом битенең читләрен карандаш белән каймалап буяп, анда пөхтә генә русча болай дип язылган: "Исәнмесез, минем исемем Гайнел, мин сезнең күршегез. Безнең мәктәптә макулатура җыялар, әгәр сезгә газеталар кирәк булмаса, зинһар әлеге тартмага салыгыз әле! Рәхмәт!" Белдерү астына идәнгә тартма да куелган.

Әлбәттә, мондый гозергә битараф булмаучылар табылган. Тартма тулып тора, аны Гайнел бушатып тора. Моның файдасы биредә яшәүчеләргә дә булган, бердән, подъезд кирәксез аунап йөрүче кәгазьләрдән арынса, икенчедән, Гайнелнең макулатура җыю планы да үтәлә бит.