Казан Яңа елны каршылау өчен иң кулай шәһәрләр өчлегенә кергән

Oktogo.ru кунакханәләргә онлайн-бронь ясау сервисы белгечләре сүзләренчә, узган елгыга караганда эчке сәяхәтләр популярлыгы өчтән бер өлешкә арткан, моны исә икътисади яктан отышлы булуга бәйләп тә карарга мөмкин. Шул рәвешле, Яңа ел бәйрәмнәрендә туристларга Казан кунакханәләрендә яшәү тәүлегенә 3,7 мең сумга төшәчәк, бу исә чит илләр белән чагыштырганда, 50 процентка арзанрак дигән сүз, дип хәбәр итә kzn.ru порталы.