#Кыскача яңалыклар 29 января 2019, 09:12 Уку өчен 2 минут

Казан яслеләрендә 1100 өстәмә урын булдырыла

29 января 2019, 09:12

Уку өчен 2 минут

Быел Казандагы балалар бакчаларында ясле яшендәге сабыйлар өчен 1100 өстәмә урын булдырылачак. Казан мэриясе матбугат хезмәте башлыгы Владимир Казанцев үзенең Instagram-аккаунтында шул хакта хәбәр итте, дип яза "Татар-информ" мәгълүмат агентлыгы.

Скопировать ссылку

– Ясле яшендәге балалар өчен урыннар җитмәү проблемасы һаман да актуаль булып кала. Быел әлеге категориягә караган балалар өчен 1100 өстәмә урын булдырылачак, – дип искәртте ул.
Шул ук вакытта Казанцев узган елда 21,3 меңнән артык баланың бакчага йөри башлавын әйтә.
2012 елдан башлап Казанда 36 балалар бакчасы ремонтланган, хәзерге вакытта 11 яңа бакча төзелә. 2020-2021 елларда Татарстан башкаласында тагын 20 мәктәпкәчә учреждениене сафка бастыру күздә тотыла.

Казанцев әлеге мәгълүматларның шәһәр Мәгариф идарәсе башлыгы Илнар Һидиятов тарафыннан Казан мэры Илсур Метшин белән очрашуда китерелүен искәртә.

Кызыклы яңалыкларны күзәтеп бару өчен Вконтактега кушылыгыз.