Илсөя Бә­дретдинова группасында элеккеге гитарачы, җырчы Роберт, үзе теләп, армиягә китәргә җыена

Үзен белә башлаганнан бирле сәхнәдә чыгыш ясый Роберт. Әнисе Мәүлидә белән әтисе Илсур Мортазиннар улларын сәнгать өлкәсендә күрәселәре килмәсә дә, Роберт алар юлыннан читкә тайпылмады. Бүген аның эстрадада үз урыны, үз йөзе бар.

- Мин быел техника университетын тәмамладым. Аннан менеджер белгечлеге алып чыктым. Мәдәни уку йортларында укымасам да, мин барыбер әти-әни, Фирзәр абый белән бергә мәдәният дөньясында кайнадым. Әти-әни миңа иң яхшы укытучылар. Алар мине күп нәрсәгә өйрәтә.

- Биш яшемдә Камал театрында Фирзәр абый Мортазин сәхнәгә чыгарган иде. Сәхнәгә бер аяк баскач, аннан аерылу кыен икәнен шул вакытта ук аңладым. Миңа унбиш яшь чагында әти миңа музыка җиһазлары алып бирде. Бәлки сәхнәдән туяр, дип уйлады. Әмма аның хыялы тормышка ашмады.

- Мин әле хәзер дә сәхнәгә чыккан саен дулкынланам. Аяклар калтырый, йөрәк тибеше ешая. Сәхнәгә чыгуга, алар барысы да юкка чыга.

- Бервакыт мин әтиләр белән бергә банкетка бардым. Шунда Илсөя апа: «Безгә гитарачы һәм җырлаучы егет кирәк», - диде. Мин үз теләгемне әйткәннән соң, гастрольләргә чы­гып та киттек. Миңа ул группада бик ошады. Чөнки Илсөя апа үзе белән эшләгән һәр кешене хөрмәт итә.

- Мин үз группамны булдырдым. Бергә укыган егетләр белән ансамбль оештырдык. Җәй айларында репетицияләр ясадык. 3 августта рок-фестивальдә чыгыш ясадык, 5-6 августта «Культурный сдвиг» фестивалендә катнашабыз. Июнь урталарына кадәр армиягә китәргә чакыру көтеп йөрдем. Хәзер көзгә калдырдылар инде.

- Минемчә, һәр ир-­егет армиягә барып кайтырга тиеш. Безнең әтиләр, бабайлар хезмәт иткән. Шуңа күрә минем дә каласым килми.

- Мин татарча көйләр генә язам. Ә шигырьләрне рус һәм инглиз телләрендә үзем иҗат итәм. Үзем язган җырларны үзем башкарам да.

- Андый уйлар булса да, юмор белән әти кебек шөгыльләнеп булмый. Аның үз монологлары да бар. Соңгы вакытта сценарийлар язу белән мавыга. Юмореска язу җиңел түгел ул.

- Укыганда мин рус фестивальләрендә генә катнаштым. Чөнки татар конкурсларында катнашучылар миннән башка да җитәрлек. Татар көйләрен җырлаганда, мелизмнар булырга тиеш. Ул авылда туып-үскән кешедә генә була. Май аенда Владивостокка барып «Студенческая весна»да катнашып, Россия буенча Гран-при алып кайттым. Ә автор-башкаручы буларак икенче урынны бирделәр. Анда үзем язган «Ты бежишь от меня» дигән җырны башкардым. Жюрида танылган шәхесләр иде. Әлеге конкурста барысы 2 500 студент катнашты.

- Минем үземдә дә андый уйлар бар. Бәлки, әтинең 50 яшенә аны тормышка ашырып булыр.

- Әйе, мин аларга бик рәхмәтле. Былтыр «Сәләт» лагерена әйдаман булып барган идем. Шунда Австралия, Чехиядән килгән яшьләрнең татарча сөйләшүләре туган тел белән горурлануымны тагын да арттырды. Татар мәдәния­тен белергә теләгән һәр бала «Сәләт»кә барырга тиеш.

- Кем белә, бәлки эш­ләргә дә туры килер.

- Тормышта да, эштә дә әти-әни киңәшләре бик мөһим.

- Ул темага килгәндә, күбрәк әти белән сөйләшергә яратам. Кызлар белән танышканда да: «Моңа әни ничек карар икән? Әти ничек күрер икән?» - дип уйлыйм.

- Беренче чиратта гаилә җанлы булырга, каршы әйтмәскә, ирен яратырга тиеш.