Шәһри Казан

74 яшьлек Дөнья чемпионкасы: «Ярышларда катнашу минем өчен авантюра!»

Спортның су төрләре буенча «Мастерс» категориясендәге XVI ФИНА дөнья чемпионаты ярышларының беренче көне үк россиялеләргә җиңү китерде. Ике синхрончы ханым алтын медаль алды, ә 74 яшендә «алтын» откан Ольга Миленина чемпионатның төп ачышы булды. Ярышларның беренче көнендә «Акчарлак» спорт объектында синхрон йөзүдә шәхси программа буенча ярышлар узды. Турнирда биш яшь...

Спортның су төрләре буенча «Мастерс» категориясендәге XVI ФИНА дөнья чемпионаты ярышларының беренче көне үк россиялеләргә җиңү китерде. Ике синхрончы ханым алтын медаль алды, ә 74 яшендә «алтын» откан Ольга Миленина чемпионатның төп ачышы булды.
Ярышларның беренче көнендә «Акчарлак» спорт объектында синхрон йөзүдә шәхси программа буенча ярышлар узды. Турнирда биш яшь төркемендәге 16 спортчы хатын-кыз катнашты. Иң яшенә - 33, иң өлкәненә - 74 яшь иде.
Өч тапкыр Олимпия чемпионы, шулай ук «Мастерс» категориясендә синхрон йөзү буенча ярышлар директоры Ольга Брусникина сүзләренчә, спорт ул - авыруларга каршы прививка, яшьлекне озайтуның менә дигән чарасы.
- Кешеләр бирегә ярышларда катнашырга һәм ял итәргә, тормыштан ләззәт алырга килә, - дип белдерде ул.
Тамашачы фикеренчә, иң истә калырлык чыгышларның берсе Демис Руссосның лирик композициясе астында чыгыш ясаган Ольга Миленина программасы булган.
- 1959 елдан бирле йөзү белән шөгыльләнәм - бу инде ярты гасырдан артыграк дигән сүз. Ярышларда катнашу минем өчен авантюра! 74 яшемдә Дөнья чемпионкасы булуыма бик шатмын! - диде җиңүче.
Беренче ярышлар көненең тагын бер күңелле сюрпризы - 33 яшьлек Лилия Усова булды. Ул иң зур хыялын тормышка ашырганлыгы турында белдерде.
- Мин үзем тренер, Россиядә шундый Чемпионат уздырылачагын очраклы гына белдем, үземне сынап карарга булдым. Программаны башкарган чакта борын кыскычым төшеп китте һәм мин программаны ансыз гына башкарып чыктым, «алтын» алырмын дип көтмәгән идем, - дип белдерде ул.
Дуэт белән синхрон йөзү ярышларында да безнекеләр сынатмады. 30-39 яшь категориясендә Россия синхрончы ханымнары беренчелеккә чыкты.
Тәфкил Фәизов, «Хирургия косметологиясе үзәге» директоры, профессор (60 яшь):
- Спорт белән сигез яшьтән бирле шөгыльләнәм. Тумышым белән мин Кыргызстаннан, балалар һәм яшьләр арасында уздырыла торган җыелма командаларда Кыргызстан данын якладым. Йөзү буенча спорт мастеры кандидаты дәрәҗәсенә күтәрелдем. 8 нче сыйныфта укыганда, йөзү буенча командабыз таралды һәм мин җиңел атлетика белән шөгыльләнә башладым. Анда да беренче разрядлы спортчы булдым. Бер үк вакытта велосипед ярышларында катнаштым. Самбо, дзюдода да көчемне сынап карадым. Мәктәпне тәмамлагач, Казан медицина университетына укырга кердем. Анда укыганда да вузлар арасында уздырыла торган йөзү һәм самбо ярышларында катнашырга туры килде. 1998 елда спорт йөзүе буенча «Идел» ветераннар клубына кердем. Йөзүче ветераннар арасында узган Республика беренчелегенә дә, Россия беренчелегенә дә йөзгән бар, ике тапкыр Европа чемпионатында катнаш­тым. 13 август көнне 50 метр ирекле стиль һәм 50 метр брасс белән ярышачакмын.
Ярышларга актив әзерләнәм. Медаль өчен көрә­шәчәкмен дип әйтмим, үземне сынап карыйсы килә. Ярышлар бит алар узышу гына түгел, сәламәт яшәү рәвешен пропагандалау да.
Реклама

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: