Шәһри Казан

Камил Исхаков: «Бәлки «Рубин»га үзебезнең диварлар булышыр»

Бүген «Казан-Арена» стадионында узачак «Рубин» - «Ливерпуль» уенына 30 меңләп билет сатылуы мәгълүм. Әйе, бу очрашуны күпләр көтә.

Бу уңайдан без Казанның элеккеге мэры һәм «Рубин» клубында президент вазифасын башкарган Камил Исхаков белән элемтәгә кереп, аның бу очрашудан нинди нәтиҗә көтүен кызыксындык.

- Мин Ливерпульдагы матчта үзем дә булдым, әйбәт нәтиҗәгә ирештек. Шулай да Казанда безгә тагын да авыррак булачак. Әле менә безнең көндәшләрнең «Челси»га каршы уенын карап утырам, «Ливерпуль» бик матур уен күрсәтә. Кабатлап әйтәм, безгә бик авыр булачак. Бәлки, «Рубин»га үзебезнең диварлар булышыр.

- Камил Шамилевич, быел безнең команда нәтиҗәләре белән мактана алмый. Ринат Билалетдиновны эшеннән алу ашыгылган, уйланылып бетмәгән адым булмадымы икән?
- Аны бөтенләй эшкә алырга кирәк түгел иде! Мин аның ничек эшләгәнен беләм, күрдем.

Реклама

- Ник алай дип уйлыйсыз? Ул җыйган команданы бүген аның ярдәмчеләре җитәкли. Уен алымы да нык үзгәрде дип әйтеп булмый...
- Әйтәм бит, аны алданрак куарга кирәк иде! Команданы җыеннарга ук башка кеше алып барырга тиеш иде.

- Ләкин бит узган ел «Рубин» матур нәтиҗәгә иреште, монда Ринат Сәяр улының да өлеше зур дип уйламыйсызмы?
- Безгә анда уңыш кына елмайды. Шулай ук иске состав футболчылары да зур роль уйнады. Мин шулай дип уйлыйм. Бүгенге тренер Билалетдинов җыйган уенчылар белән берни эшли алмый, аңа бик авыр. Илсур Метшинга да (клуб президенты) бик авыр бүген. Аның шундый хәлдәге командага килүе үзе үк зур батырлык.

- Камил Шамилевич, «Рубин» - «Ливерпуль» уенына сезнең фаразларыгыз ничек?
- Беләсезме, мин фаразларга яратмыйм. Безнең футболчыларга уңышлар телим, ләкин бик авыр булачак. Җанатарларның ярдәме зур булыр дип өметләнәм.

Фото: sport.business-gazeta.ru

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Эт елында этләр җигеп... (Горки-Әмәт урман паркыннан фоторепортаж)
  • Казанда Үзәк чыршы ачылды
  • Пенсия фонды үтеп баручы елга йомгак ясады
  • Черек күлдә шугалак ачылды
  • Президент чыршысыннан ФОТОРЕПОРТАЖ
  • Чаңгылы якшәмбе
  • Казанның Аккош күлендә күңелле ял
  • Дәүләт Советы сессиясеннән ФОТОРЕПОРТАЖ 21.12.2017
  • Үсте чыршыбыз урманда...
  • Физик мөмкинлекләре чикләнгән балалар фестивале
Соңгы комментарийлар
Интервью
  • 19 января 2018 в 14:32
    Балалар бакчасына түләү күпмегә арта?
    Быел 1 гыйнвардан балалар бакчасына түләү бәяләре артты. Былтыргы белән чагыштырганда (2017 елда түләүләр сигез процентка арткан иде) әллә ни күпкә түгел, дүрт процентка гына. Бу уртача 120 сум дигән сүз.
    82
    0
    1
  • 12 января 2018 в 11:37
    Татарстанда яшь ананы вәхшиләрчә үтерүдә гаепләнүче кулга алынган Түбән Камада чаңгы шуучы 29 яшьлек хатын-кызны үтерүдә шикләнелүче тоткарланган, дип хәбәр итә ТР Эчке эшләр министрлыгының матбугат хезмәте.
    323
    0
    0
  • 12 января 2018 в 14:42
    Эт елында этләнеп яшик?! Раштуада шәмнәр яндырып көзге алдында утырмасаң да, яңа гына башланып киткән елны фаразлавы кыен түгел. Чираттагы Кыш бабайны көткәндә, сайлаучылар алдында мескен күренергә тырышкан депутат кебек, салават күперебез дә аклы-каралы гына иде димәбез, иншалла, әмма чынбарлыгыбыз бөтенләй үк аллы-гөлле дә түгел.
    212
    0
    0
  • 12 января 2018 в 12:31
    Узган ел бәхетле булганбыз Яңа елга аяк басканда, узганына нәтиҗәләр ясау гадәте бар: бәяләр ни рәвешле уйнаган, без нихәтле яхшы яши башлаганбыз, тормыш дәрәҗәбез кай тирәдә икәнен чамалап тору кызык бит.
    108
    0
    0