Башкортстанның атказанган артисты Ришат Төхвәтуллин 30 яшьлек туган көнен тамашачылары белән үткәрергә уйлый. Җырчының юбилей концертлары 5 мартта – Уфаның Башкортстан Дәүләт концертлар залында, 6 мартта – Казанның «Пирамида» комплексында, 10 мартта Мәскәүнең «Крокус Сити Холл» концертлар залында узачак. Сезгә шушы уңайдан үткәрелгән матбугат очрашуында яңгыраган иң кызыклы фикерләрне тәкъдим итәбез.
