Марат Әхмәтов: «Старт бирелгән әйбернең финишы да булырга тиеш, 20 ел эчендә күп нәрсә эшләнде»

"Старт бирелгән әйбернең финишы да булырга тиеш. 20 ел эчендә күп нәрсә эшләнде. Мин Республиканы күп икмәк белән калдырам. Әле сез аны 4,5 миллион тоннага да җиткерерсез дип өметләнәм", - диде ул.
 
Марат Әхмәтов Дәүләт Советына депутатлыкка сайланып, министр вазифасыннан китте. Хезмәттәшләре аның чыгышын аягүрә басып алкышлады.
 
"Авыл хуҗалыгы министрлыгына гомергә икенче төрле караш булды. Монда әйбәт команда җыелган. Беренчедән урынбасарларыма, район башлыкларына рәхмәт әйтәм. Барыгызга да уңышлар гына телим", - диде.
 

Авыл хуҗалыгы һәм азык-төлек министры вазифаларын башкаручы итеп элеккеге Буа районы башлыгы Марат Җәббаров билгеләнде.

Татар-информ