#Кыскача яңалыклар 04 февраля 2020, 16:39

Педофилдан малайларны коткарган иргә төрмә яный

04 февраля 2020, 16:39

Уфада яшәүче 32 яшьлек ирнең гыйнвар ахырында тормышының асты өскә килгән. Эштән кайтып килгәндә аның каршына бер малай: "Ярдәм итегез, минем дустымны көчләргә телиләр!" - дип йөгереп килеп чыккан.

Скопировать ссылку

Хәлләр болайрак булган. Ике малай карда уйнап юешләнгәннәр һәм бер подъездга кереп җылынырга булганнар. Шунда алар янына илле яшьләр чамасындагы ир-ат килеп, җылынып чыгарга фатирына чакырган. Конфетлары һәм чәе бар дигән.

Беркатлы балалар ышанганнар һәм педофил кармагына капканнар, дип яза
bash.news.

Ярдәмгә Владимир килеп җитмәсә әлеге хәлләр ничек бетүен күз алдына да китерүе куркыныч. Ул фатирга ашыгып килеп керә һәм малайны ала, ә оятсыз ирне дә урамга алып чыгарга эткәли башлый. Владимир ашыгыч нәтиҗәләр чыгармаска, хәлнең чынмы-юкмы икәнен ачыкларга була. Педофил исә сугыша башлый. Гайрәтле Владимир аңа җавап итеп суга һәм ул хастаханәдә үлә.

Балаларга кагылырга җөрьәт иткән оятсыз ир элек тә кече яшьтәге балаларга зыян салган өчен 11 ел төрмәдә утырып чыккан булган.