Россия мәктәпләрендә аеклык дәресләре кертергә мөмкиннәр

Киләсе 2023 елны Россиядә Аеклык елы дип игълан итәргә мөмкиннәр. Россия Дәүләт Думасының гражданлык җәмгыятен үстерү комитеты җитәкчесе урынбасары Николай Бурляев шундый тәкъдим белән чыккан.

“Россия сәламәт булмаган дөньяга сәламәт цивилизация моделен тәкъдим итә ала”, - дигән фикердә Федераль Җыен вәкиле. Ул шулай ук мәктәпләрдә аеклык дәресләре, ә югары уку йортларында собриология, ягъни айныту турындагы фәнне кертергә кирәк дигән фикерен дә җиткергән.