Блогер-күзәтүче Алинә Гималтдинова: “Яңа вазифага керешкәндә дулкынлану бар иде”

Әмма махсус оештырылган укулардан соң тынычландым, диде ул. Сайлауларда күзәтүче буларак катнашуы турындагы хәбәрен язылучылары хуплап каршы алган. Сайлауга кадәр интервьюлар да биргәч, язылучылары арткан да.
Безнең төп максат – аудиторияне җәлеп итү һәм кире элемтә булдыру. Директка хатлар язып, сайлауга кагылышлы сорауларны да җибәрделәр, ә без оператив рәвештә җавап биреп барабыз, - ди ул.

Блогерның язылучылары әлеге вазифага керешүенә артык гаҗәпләнмәгән дә. Алинә иҗтимагый һәм социаль чараларда актив катнаша икән.