Шәһри Казан

Хәрби хәрәкәт ветераннары ни хәлдә?

15 февраль Россиядә 2011 елдан бирле хәрби бурычларын чит илләрдә башкаручылар көне буларак билгеләп үтелә.

Әлеге вакыйганың бу көнгә бәйләнгән булуы очраклы түгел – 1989 елда нәкъ шушы көнне соңгы Совет гаскәрләре Әфганстаннан чыгарыла. Бу көнне әфганчылар гына түгел, башка хәрби вакыйгаларда да катнашып, башын салган интернациональ сугышчылар искә алына. Әлеге дата якынлашкан көннәрдә “Татар-информ” мәгълүмат агентлыгында Татарстанда хәрби хәрәкәт ветераннары белән эшне оештыруга багышланган матбугат конференциясе узды.

Россия Дәүләт Думасы депутаты Ольга Павлова 7 февральдә Мәскәүдә “Десант холкы” дип аталган фотокүргәзмә ачылачагы турында хәбәр итте. 150 дән артык фотография тәкъдим ителәчәк күргәзмә кысаларында Әлки районы әфганчыларына багышланган “Вакыт безне сайлады” дигән китап та тәкъдир ителәчәк, дип белдерде депутат.  

Реклама

Генерал-майор Рим Мостаев сүзләренчә, республика районнары буенча хәрби хәрәкәттә катнашучыларның базасын тулыландыру буенча зур эш алып барыла. Бу үз чиратында 29 ел дәвамында тупланган күп кенә социаль һәм торак мәсьәләренә кагылышлы соаруларны хәл итәргә булыша.

Әфганстан сугышы инвалидларының Татарстан төбәге оешмасы рәисе – сугыш инвалиды Альберт Кукаркин: “Безнең сафлар көннән-көн кими бара, яу кырында гарипләнеп кайтучылар һәрчакта да табиблар ярдәменә генә түгел, җәмәгатьчелекнең, якыннарының игътибарына да мохтаҗ”, – диде үзенең чыгышында. Әфган сугышы чоры турында ул: “Ничек кенә булмасын, мин аны гомернең ак табы дип атар идем. Совет гаскәрләре бит анда ярдәм итү йөзеннән барды. Җирле халык белән ипи, башка кирәк-ярак белән бүлештек, җимерелгән мәктәп-мәчетләрен дә төзешергә ярдәм иткән очраклар булды. Хәзер сугышчы дуслар белән аралашып, күрешеп торабыз, гаиләләр белән йөрешәбез,” – дип искә алды ветеран. Рим Мостаев әлеге сугышта шәхес буларак җитлектек, дип исәпли. “Без анда үзебезнең хәрби бурычыбызны намус белән үтәдек, һәрчак үзебезнең артта зур көч – туган ил торганын тойдык”, ди генерал-майор.
 
Хәрби хәрәкәт ветераннары Дәүләт Думасы депутаты Ольга Павловага Казанда хәрби госпитальне торгызуда ярдәм итүен сорап мөрәҗәгать итте. 1809 елда ачылган госпиталь 2012 елда ябылган. Шуның аркасынңа, ветераннарга хәзер реабилитация үтү өчен күрше регионнарга барырга туры килә. Узган ел 750дән артык ветеран МСЧның реабилитация үзәгенә мөрәҗәгать иткән. Альберт Кукаркин сүзләренчә, Казанда һәм Чаллыдагы сугыш ветераннары госпитальләре һәркайсы 300 кешене кабул иткән. Әмма бу гына аз, чөнки Татарстанда бүген 8 меңгә якын хәрби хәрәкәт ветераны исәпләнә. “Реабилитацияне һәр елны узарга кирәк, ә безнең алты-җиде ел саен гына туры килә”, ди Әфганстан сугышы инвалидларының Татарстан республикасы оешмасы рәисе Альберт Кукаркин. Рим Мостаев белдергәнчә, Республика ветераннарына реабилитацияне күрше Ульян һәм Самарада узарга тәкъдим итәләр, ә хәрби госпиталь булдыру – регионның түгел, ә Оборона министрлыгы җаваплылыгында. Генерал әйтүенчә, бу проблема Татарстанда гына түгел. Казан хәрби госпиталенә Чувашстан, Марий Эл һәм Удмуртия да беркетелгән. Тулаем алганда – 40-50 мең хәрби хәрәкәт ветераны килеп чыга.

Павлова сүзләренчә, бу мәсьәлә төрле мәйданнарда күтәрелгән һәм бу гади проблема түгел, бюджеттан финанслануга бәйле. “Бу юнәлештә эш алып барыла, без сезнең дәгъвагызга үтәргә тырышачакбыз”, – диде депутат, килеп туган хәлгә ачыклык кертеп.  

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    304
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    674
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    341
    2
    2
  • 19 февраля 2018 в 16:43
    Корея кояшы астында безгә бәхет елмаермы?
    Җиңгән очракта – гимн, җанатарларга трибунадан болгар өчен флаг юк дип тормый инде спортчыларыбыз, акрынлап булса да, Олимпия медальләре өчен көрәшүен дәвам итә.
    69
    0
    0