Беркөнне исеме шактый ук танылган, олыгаеп килүче бер татар шагыйрәсе йомыш белән фатирыбызга килде. Залдагы стенка киштәсенә, китап шүрлекләренә таслап тезеп куелган «Татарстан», «Казан утлары», «Идел», «Безнең мирас», «Мәйдан», «Сөембикә», «Чаян», «Гаилә һәм мәктәп», «Ялкын», «Сабантуй», «Салават күпере», «Моя прекрасная дача» журналларына, типография буявы исе килеп торган «Шәһри Казан», «Ватаным Татарстан», «Татарстан яшьләре», «Безнең гәҗит», «Ирек мәйданы», «Сам хозяин», «Известия Татарстана», «Диләфрүз», «Язмыш кочагы», «Сканвордлар» гәҗитләренең компьютер өстәле читендәге алагаем зур өеменә сәерсенеп карап торды да бот чабып көләргә тотынды.
