Мәгълүм булганча, адәм баласы төп өч өлештән тора: тән, җан һәм акыл. Тәнне без ашатып, киендереп, мунча кертеп, төрле физик күнекмәләр эшләп сәламәт тотарга тырышабыз, акылны мәктәптә, аннары урта һәм югары уку йортларында белем алып камилләштерәбез, ә менә җанны тәрбияләү мәсьәләсе күпләрне нигәдер уйландырмый, нәтиҗә буларак ул пычрана, зәгыйфьләнә һәм өзгәләнеп газаплана башлый.
